خلصلنا من احتلال داخلنا فى احتلال
من احتلال الى احتلال الفرق بنهم مش محال
احتلال محتل لاحتلال محتال
والفرق بنهم مش محال
واحد بنخور فى البلد والتانى بينخور فى ولاد البلد
الفرق بنهم مش محال
بس اية السبب يالا العجب ؟!!!
يمكن جهل وفقر وفساد
ولا يمكن خناق وعند والسلام
ومين اللى بيدفع الثمن
غير الناس اللى مش لاقية ثمن
لاكلة حلوة .. هدمة عليها القيمة
ساكنين فى عشة بس مكفية
لاعشرة خمستاشر وسية
وادى الفرق اللى مش محال
امتى نفوق ... وامتى نحس
امتى نشوق ... وامتى نبحلق ونبص
على حالناوحال ولادنا اللى وصلنا من غير ما نحس
وازاى نتغير ... ازاى نتحول
بشهامة المصرى ورجلته
بخلاقة وسمتة ..وبقوتة وحكمتة
بمجد الفراعنة الممدود سنة وراء سنة
من سبع الاف سنة
* خلينا نفكر ازاى نبنيها
خلينا نفكر ازاى نحييها
حياة كريمة بين الصفوف الاولى مش الاخيرة
ليست هناك تعليقات:
إرسال تعليق