تخيلات

(اتخيل )عمى بعد وفاته  كما كان من ذى قبل  واقف امام عينى كلما اغلقهما واسمع صوتة فى اذنى كما كان يحدثنى  ..

(اتخيل)  عمى وابى وخالى متكئين على سرر متقابلين . يتبادلون الحديث والحكايات وكيف حالنا وكيف تركونا ويطوف عليهم اطفال صغار بأكواب وكئوس من معين ...لترويق البال

(اتخيلهم) خلف القبر كأن الزجاج هو الفاصل بيننا وليس طوب واسمنت  او روفات داخل قبر

يرونا ولا نراهم ويسمعو دعائنا ويبتسمون لنا. ويمسحون دموعنا.

(اتخيل)  مشهد فاض عينى من الدمع .رأيت عمى واقف بين اسرتة وكذلك خالى وانا حائرة بينهم اتلمس فيهم احساس ابنة لأبيها الغائب . حائرة بين الجانبن اذهب لهذا تارة فلا اجد لى مكان وذهب لذالك تارة فاضحك ومعهم قليلا ثم يتجاهلون وجودى لنشغالهم مع بعضهم البعض

 لما انا هكذا . اين ابى انا ايضا ؟  انا لا اعلم اين هو ؟ولا أعرف كيف تصل اليه ؟.

سالتهم عنة اجابونى اجابات مقتضبة .

انه هناك !!. اين ؟ لا احد يجيب . فقط اشاروا الى نحو اتجاهه

ظللت امشى . امشى لمسافة طويلة حتى رايت رجلا يشبة ابى كالذى فى الصوره  رجل نحيل , شعرة ابيض تمام بعد ان كان مختلط بين الابيض والاسود, نظارتة كما هى ذات المربع الكبير الذى يأكل ثلثى الوجة  .. أحاول جاهدة ان استجمع قوى الذاكرية و نفسية ’ وان اذهب الية .. ناديتة ...

أأنت ابى ؟.. انا ....    . ابنتك اتذكرنى.  

حدق فى مليا, فهو ايضا . لم يرانى منذ زمن. وكنت صغيرة سمينة بضفيرتين. وطولى لا يتجاوز وسطه. فكنت اطوق يدى حوله فهذا هو حضنى. 

وضع وجهى باين كفية . يتحسس ملامح وجهى بعينية .وعيونى الغارقة فى دموعها لا تبين رؤيتة .

كم افتقدك . اشتقت اليك ياع م.... اسفة لا تحزن منى فأنا نسيت كلمة (بابا) لم اعد اعتاد عليها منذ وقت طويل ,دفنتها  معك ولكن مشاعر الابوة لم ادفنها كنت اتلمسها فى خالاً او عم ..

اجلس الى جوارى اريد ان احكى لك كل شىء عنى وعن امى . منذ ان فارقتنا .

احببت القراءة والمعرفة كما كنت تتمنى لى . اصبح لى مكتبتى خاصة . جعلتها بجوار مكتبتك

اتقن الانجليزىى اتحدث بطلاقة  مثلك,كنت قد  تمنيت لى  ان اصبح طبيبة لتنذرها لله .وتجعلنى سبب فى شفاء المرضى

اسفة لم احقق امنيتك هذة . ولكنى .. ولكنى استكمل دراساتى العاليا وها انا ذا على وشك الحصول على الدكتوراة .ولى نشاطاتى  فى الجمعيات الاهلية .واساعد الناس الفقيرة .ارجو ان يعادل هذا امنيتك.

ابى كم اشتقت للابوبة فيك انت.. صحيح احزننى كثيرة ما فعلوة اعمامى وجدى وجدتى فى وفى امى بعد موتك  . كم خاصمتك لانك لم تكن بجوارنا ونحن فى هذة المحنة  ولم تحسم هذة المهزلة قبل مماتك.. ولكن اليوم اشتقاك اليك .. اتلمس وجودك. ابحث عن  ابوتك ...

(اتخيل).. اول سؤال تسألة لى .. كام صار عمرك ؟ هل تزوجتى ؟ اريد ان ارى احفادى ؟؟؟

لا يا ابى لم اتزوج وسار عمرى ثلاثين هناك امور  حالت بين زواجى منها دراستى ومنها حال المتقدم لخطبتى تارة يرفضونى وتارة ارفضهم .. وصار الحال هكذا الى ان وصلت الى الثلاثين ..اعتقد لان رجعت الى حياتنا .. اول شىء ستفعلة خطبتى.. ستخطبنى لاول رجل تراة فى الشارع ..ستوفق لى خطيب كما كنت تفعل مع بنات اصحابك ومعارفك ..

 (اتخيل) ناقوس كبير  دق ضربة موحشة ومفزعة.. آن الاون لان اودعك.. ولكنى لا اريد ان اتركك . اريد ان اشبع منك فأنت ابى .. لى وحدى مثلى مثل  ابناء عمى واولاد خالى ..

دق الجرس ثانية:- امسك يدك لا اريد ان اتركها .اقبلها كما كنت افعل .اطوق يدى حور رقبتك فالان اصبح طولى يقاربك

دق الجرس ثالثا :- استودعك الله يا ابى , اللهم اجعلة مع الصديقين والابرار فى الجنة , اللهم اخلف علية دار خيرا من دارة , وزوجا خير من زوجة .واهل خير من اهلة .. واجعلة رفيق البنى فى الجنة يارب 

لادا RIP

هااااااااااااااااااااحححححححححح 

اخير تمت اجراءات بيع العربية بتاعتى . لادا 5247د ع أ (رقم العربية فى زمن العادلى بعد تغير للوحات المعدنية ) 

عربية اشترانها من سنه 1990

عربية دامت معانا اررررررررررررربععععشرييييييييييييييننننننننننننننن
سنة  

متقسمين كالتالى 

سنين منهم كانت تحت سيطرة بابا اللى كان يخاف عليها من الهوا الطايرة كانها اختى اللى مخلفاش 

ويخلينى انظفها وروقها كانها اوضتى بالظبط

اما العشر سنين اللى بعدها بصراحة من غير تريقة بشكل عام ولا زعل بشكل خاص من ماما  كانت العشرة العجاف 

يعنى  مابين 2الى 3 تعليم على حق , واللى بعدهم كان السواقة بمواعيد محددة اما الصبح والدنيا مش زحمة او بعد العصر والدنيا مش زاحمة برضوا . طبعا وكعادة سواقة السيدات لاتخلو من الحوادث اللى مش بتقتصر بس على خبط العربيات . لا كمان داخل فيها تكسير عجل و شقلطة ناس .وبما ان الشقلطة مرمطة فا انا هفتح القوس وعيش التخيل 

الحمدلله وصلنا للمرحلة الاخير بعد عناء التشجيع فى ماما انها تستعمل فى اوقات الفراغ والذروة 

تم بحممدلله وبدات توصلنى الجامعة وبعد كدا تروح الشغل بيها شوية شوية بدات ماما تاخد على جو العربية . قلت المعاناة مع الحوادث فى نفس زاد الوقت اللى كتر فيها مع الصنيعية العربية 

وفى اجازة 2و3 كلية بدات اتعلم السواقة . انا وبلا فخر وبكل تواضع كنت حابة السواقة من كتر ما شوفت مع ماما ( لا بجد.انا كنت شوية وهسوق بدالها دول تلات سنين تعليم)  كان ليا حوادث من نوع خاص صحيح قليلة تتعد على صوابع الايد الواحدة لكن بجد فارقة فى حياتى جدا 

اولها واهمها ان عربية نقل كوكاكولا دخلت فيا جوة اليوترن ازاى معرفش وفرقت معايا انها خلتنى ادخل القسم لاول مرة فى حياتى واعمل محضر :) 

اما التانية فا شقلط ست غالبة يا حرام :( يمكن من قله الخبرة فى فن تخزين الاشياء جوة العربية فا بدل ما احطها بالطول حططها بالعرض. ومع شوارع المنصورة الضيقة فالست اتمرمطت:( 

اما الموقف الاغرب هو نى دخلت فى رصيف ومش عارفة اية اللى حصل فأدى الامر فى النهاية  الى ان اتشالت العربية وانا جواها لمفداة الموقف 

دا غير بقى الحاجات العفوية الخاص بالسيدات وللى خاصة بمكانيكا العربيات والحفاظ على عمرها واللى اول ما تحصل تسمع اشهر تعليق بتقال لما يحصل ويبحلقوا فى الشباك ويلاقوا ست تسوق " الستات مالهوش الا السواقة يسوقوا وبس" 

ما علينا 

المهم وجة اليوم اللى قررت فية ابيع العربية . زعلانة وشوية عليها عشرة برضوا اررررربعععشششششرييييييييينن سنة 

 بدات ابصلها البصات الاخير ولمسها لمسات الوداع 

وحمتها اقصد غسلتها وكانت عسولةوهى مالينا بالصابون .(ياتى حلوة بيضا انتى بتستحمى يا حلوة كوتى كوتى كوتى )  وشحمتها علشان اسلمها لرجلها الجديد وهى على سنجة عشرة 

الوادع يا غالية ربنا يصبرنى على فراق . ويصبر اخينا على بلوتة اقصد عربيتة الجديدة .

اعذرونى يا جماعة العربية لادا برضوا . لادا يعنى العضلات .لادا يعنى تشجيعة امال . لادا يعنى ايدك يا عم الله لايسيك لف مايا الدركسيون . لادا اللى يحب النبى يزق 

وكل من له نبى يصلى علية 

الفرص

حاطط قدامك حلم 
م شايف غيرة 
عايش علشانة 
هيوصلك للنجوم علشان تمسكها كلها بأيديك 
وتملك بيه الدنيا بحالها 
***********
وبعد فترة >>>>

. سراب 
حققت اية .. مافيش 
مسكت النجوم ..لا 
طيب طبقت السحاب فى جيبك الصغير .. لا 
عرفت تشترى الدنيا كلها .. لا 
***********
ولا حاجة كل شىء هدد . حتى الفرص اللى جوة الحلم راحت عليك 
كنت ماشى زى القطار . لا شمال ولا يمين . ولا حتى اخدت نفسك تبص على اللى وراك . 
حطيت عدد سنين وهتقلب حلمك 
لكن كل شىء راح وانقضى 
وبقيت بتبكى على الاطلال . وتضرب نفسك على اللى فات 
/////////////////////////////////
اية الحل ؟ 
انا مش عارف اية الحل ؟ 
انا بعرض واقع موجود لكتير منا 
حاطط قدامة خطط واهداف واحلام وطموحات ومش شايف غيرها فى الدنيا 
يمكن قلة خبرة . او يمكن عدم دراية , او غلط فى الحساب 
او فاكر ان دا هيتعوض الخير (والله اعلم بالغيبات دى ) 
لكن الاهم . خد نفسك وانت بتحلم .
صحيح احنا فى عصر السرعة وبقى فى طيران فائق سرعة الصوت  او اضعف الايمان اسانسير بدل قطع النفس فى السلم 
لكن دا ما يمنعش انك تطل براسك برة الشباك تشوف كنت فين ووصلت لفين 
تبص كويس حوليك .تعد خطواطك 
***
مش هقدر اقولك فكر بعقلك بس او بقلبك بس 
لانى مش بعمل كدا 
لكن كل اللى قدر اقولوا . هات ميزان واعمل كفة للقلب والتانية للعقل . لو الاتنين على سوى واحد 
اتوكل على الله واعزم الامر . 
واكيد ربنا هيعوضك بالاحسن

خلاصة 25/1/2014 وبعد 3 سنين

بعد اليومين اللى فاتوا وفيهم كل حاجة متناقضة  صوت قنابل مع صوت اغانى وطنية .. ناس بتموت فى نفس لحظة ناس بترقص ..اما الانكت ناس بتقول على الثورة نكسة وهى نزلة تحتفل

بمعنى اخر مصر مكس .. كل حاجة والعكس

وعلشان كدا بقى شوية ملحوظات كدا على الماشى بجملت السلطة اللى احنا فيها 

* ثورة 25 .. ثورة بجد مش نكسة .. ثورة غيرت عقول وفتحت عيون ناس كتير واولهم انا 

واللى عاملها شباب بجد عايزة حياة افضل شافها برة سواء سافر او اتعلم او حتى اتفرج على الافلام الاجنبية ونفسوا بلدة تكون حلوة .. مش خاين وعميل وطابور خامس ويتشكك فى وطانيتهم 

* الثورة معناها تغير جذرى شامل لنظام فاسد اتحقق مع مبارك واتحقق مع مرسى 

الاولنية ركبها الاخوان وتكبروا فيها على كل الناس والتانية ركبها الفلول مصممين يتعالوا فيها على كل الناس واكيد هيخسروا زى غيرهم ..(الكبر ما بيدومش) 

*امن الدولة هو هو .. ما اتغيرش ومش هيتغير طول ماهو اداء فى ايد الحاكم ..سواء حاكم اسبق او سابق كلة استغلة لمصلحتة كان فى الاول ضد اليمينين واليسارين كان وطنى بحزب .. واتحول وبقى ضداليسارين فقط لما مسكوا اليمين الحكم..

*الدم بيجيب دم مش مثالية بس دى الحقيقيه اى حد من الطرفين لو شايف اخو وابوه او حتى صحبة بيتقتل قدامه ما تستناش يطلع يطالب بالمثاليات وهو فى ايدة دم

*مافيش حكومة (مهماكانت) عايزة تغير شعبها .. شعب مليان فقر وجهل ومرض .. دا كنز لاى حاكم علشان يفضل واصى شرعى ..ومسمار حجا على طول السنين

اخر حاجة بقى :- مؤسسات الدولة (جيش - شرطة -قضاء -اعلام- تعليم ) دول حكم مش حاكم و الاهم الشعب الواعى اللى عارف مصلحتة مش اى حد يعمل فية معروف يجيبة رئيس

عمو صفوت

د/ صفوت خليل . كما يلقبة المقربون منه . الاب الروحى لنقابة الصيادلة 
واحد قيادات الاخوان فى محافظة الدقهلية . وافته المنية يوم27/9/2013 اثناء انهاء الاجراءات  خروجه من المعتقل . فكان خروجة للقبر .وتحررت روحة الى خالقها .. 
.**********
على الوجة الاخر .. عمو صفوت  جارنا العزيز. صاحب  صيدلية الاندلس القاطنة بشارعنا بمنطقة توريل  . على مدى عقدين كانت الاوحد والاشهر, قبل ان يتحول الصيدليات الى محلات بوتيك لبيع الادوية والادوات الصحية  والتجميلية . صحيح كانت هناك محاولات لأنشاء غيرها ولكنها باءت بالفشل . من مبدأ "لمن تترك الثقة ؟!"

فى اوائل التسعينات .
صيدلية الاندلس بأدارة  "عمو صفوت" اول صيدلية تشكك الدواء . اذهب الية اول الشهر لأنهى  حساب ابى من ادويتة .. يفتح الدفتر الكبير ذو الاوراق المسطرة بالجاف الازرق والاحمر .ويقلب فى اوراقه الى ان يجد اسم ابى . وننهى الحساب . ويكتب فى اخر الجدول (خااالص) واعطية النقود واكتفى بشكرة على مجهودة ..

صيدلية الاندلس بادارة عمو صفوت . اول صيدلية  والوحيدة بالنسبة لنظرى  كنت اراها تغلف الادواء بالورق كتغليف الهدايا .. بكرة كبيرة على حامل حديدى . بها لفة الورق ونهايتة حد حديدى لتقطيع الورقة .يضع الادوية فى منتصفها . ويطوى جانبيها .ويسلمنى اياها .اتذكر شكل الورقة  جيداً. فكانت ذى  ارضية بيج . مزركشة باللون الاحمر .فى منتصفها اسم الصيدلية بالشعار الصيدليى والعنوان والتليفون يختلف لون الكتابة من لفة ورق للاخرى واعتقد على حسب  شكل الطباعة .فمرة يكون ارزق او احمر او اخضر .كما زال يرن فى اذنى صوت تقطيع الورق من بكرته ..

اسمع من ابى كم المساعدات اللى يقدمها لمن هم اقل حظا فى معيشتهم .(جعلها الله فى ميزان حسناتة)

.ابى قبل وفاته  كان يعتبر صيدلية الاندلس بمثابة متلقى متنوع لاصحابة وجيرانة ومعارفة  . يجلس ويتحاور مع عمو صفوت ومع جيرانة من عمارة الدعوة . يتعرف على المدرسين الخصوصين وياتى لى بهم منها ..وكانت ملاذة فى زلزال 92 :) 

وعند وفاتة أبي  . جاء هو وزوجتة بصحبة باقى جيراننا ليقدموا واجب العزاء. الى بلدتنا

************ 
توفى د صفوت خليل وهو مصاب بالسرطان . توفى من سوء المعاملة والاهمال . والتعنت على المعتقلين والساسة المختلفين معهم . فكريا وانتمائياً
كان يأخذ الجرعة وهو مسلسل فى يد وحامل للكاميولا فى اليد الاخرى 

بغض النظر عن الانتمائات ..وبتدقيق النظر فى الانسانيات..  ان نرحم ضعف اُناس . لا حول لهم ولا قوة . مصابون بامراض مذمنة او خطيرة . ان توفر لهم ما يحتاجونة من علاج وعناية . لا ان تتلذذ الدولة فى عناءهم  كما تتلذذ فى تعذيب باقى مواطنوها . 

اين حقوق الانسانية فيما يجرى  فى السجون . والمعتقلات ؟! لا اقصد الحقوقيون فكلنا يعلم كم عانوا ومازالوا ولكن دون جدوى 

ايتها الدولة.غريبة الاطوال.ايتها الدولة عقيمة الفكر والارشاد 
افيقى من غيابات النظر الاحادى . افيقى من علو أُناس عن أُناس 

لا تزيدوا الخصوم . ولا تزيدوا الحنقة والغصة .. اجمعوا شمل الشتات قبل ان نتفتت الى زوال 

الغباء لا دين له

افه حارتنا اليوم هو الغباء
نفس الية التفكير
نفس طريقة التنفيذ
نفس سوء وعقم  الادارة
لا تجديد. لا تفكير .لا ابداع . ولاحتى تعلم من الاخطاء
هو هو ... كما هو .. لاشير يتغير سوى الاسماء والانماط لكن المحتوى واحد لا يتغير 

الى ان ظننا ان التفكير .حرام . او الابداع لا يجوز شرعا 

بعد حكم مبارك . كان الامل بيراود اهل مصر ان الحال يتغير يكون فى شىء جديد 

وللاسف ظهر كل ما هو اسواء ليس عيب فى الثورة ولكن دا كا حالنا اصلا .وماحولناش نتغير ولا شوفنا حد يدلنا على الطريق

على العكس تماما .. كان بمثابة التركة التى طمع فيها كل من كان  يتصور ان له الاولية له .بسبب جهدة ومرمطة خلال السنوات الضائعة هالث وراء 

خلصنا من حكم العسكر

ندخل بقى على عصر النهضة الاتية بعصر الليمون... آملين ان تحدث الطفرة .ان يتغير شىء لواقعنا المرير .. ولكن قد وقعنا فى الفخ العميق

المصلحة . السلطة . حب التملك . الكبر . لا تغير فى السياسيات مادام حالنا ماشى كدا 

والنتيجة... الشعب ثار عليهم وهما لسة مش مستوعبين اخطائهم

لف وارجع تانى . حكم مؤقت تانى 

بدل الحساب العسير .بالعقل على غرار (خبط بالعقل ) جعلنا منهم ضحايا 

فض الاعتصمام بنفس الغباء . موت اكثر من 500شخص .اعتقالات موسعة للاعضاء  بدون اى معاملة انسانية ليهم . ومنهم اللى مريض بمرض خطير ولقى اسوء المعاملة 

المفترض فى الحكم المؤقت التاسيس لكل حاجة الصح . مش لخبطة على كل حاجة غلط

افيقوا...يرحمكم الله 

بركة دعاء الوالدين

ثلاث سنوات منذ بداية الثورة , اصبح المصرى  مالك لادارة نفسة اولا وبلادة ثانيا 
اصبح يميز الخبيث من الطيب , تفتحت مداركة ليوقن من معه ومن ضدة  ومن يستغل طيبيتة . وعلى حاله دائما يسخر فيها من واقعة ليهرب منه
صحيح يشوب هذا  ما يعكر صفو الشخصية الجدعة , الحمولة البسيطة سوء فى من الاخلاق والاندفاعية ونعنت الفكرى والتقوقع الافكار لدع قطاع كبير منهم.

وهذا ما نحتاجة فى الفترة القادمة , نحتاج ان نبنى الشخصية المصرية من جديد 
نحتاج ان نرسخ فيهم مفهوم التعايش بين افراد المجتمع المصرى مهما كان اعمارهم او انتمائاتهم , والاهم نحتاج فى تطوير مهاراتهم فى كل مجال عده . وان نبتعد قليلا عن مهارة بركة دعاء الوالدين التى نركز كل اهتمامنا عليها دون مراجعة او حساب لاخطائنا ..

**بداء من التعليم .وقبل المنهج نحتاج الى مدارس حكومية ذات قيمة , قيمة كأنبية ومعلمين ومناهج . فى السابق كان الاعتماد على المدارس الخاصة او التجريبية ,وكانت الخاصة منها اما ان تكون دولية للغات او اسلامية  للعربية..
ومع تدهور الثقة بين الاسلامين والشعب المصرى , اصبح لا بديل عن تغير كل ما يتعلق بهم من قبل الشعب , اما من جهة الحكومة فلابد ان تعيد النظر فى فيما يخص المدارس الحكومية  كنقطة بداية لتغير اجيال 
** الخطاب الدينى ودَور دُور العبادة  نريد اعادة صياغة له ولمواقف الازهر فى باء فكرى دينى لدى الناس باقل الدروس البسيطة يبداء تاسيسها بأن الدين يختلف رويتة على حسب المكان والزمان والمضمون , انتهاء بان كل منا له دين يحترم فكرة وعقيدتة وعبادتة مهما كان اختلافنا معه فى كيفية العبادة 
** بالاضافة الى الصحة ومحو الامية وكفية استيعاب العمل الخيرى التنموى وكلا يعمل فى اطار خدمة الشعب والوطن

باختصار نريد حكومة ترعى مصالح الشعب  .. بالعلم والعمل والايمان بالوطن وتقدير ثرواتة 
وليس ببركة دعاء الوالدين