يوم الجمعة صحيت بدرى كالعاة المعتاده لهذا اليوم لما فية من طقوس عائلية تبدا من وضح النهار وحتى منتصف الليل
وبعد ساعة من الصحيان الاجبارى .. سمعت منادى بينادى على معرض كبير , المصرين فى حالة المنادية اللى زى دى بيجروا على الشبابيك والبلكونات علشان يسمعوا عن كثب ما ينادى علية المنادى
"يا اهل مصر الكرام ...يا شعب مصر العظيم ...ندعوكم لافتتاح معرض مستقبل مصر هيتم فى عرض لكل الجداول الانتخابية البرلمانية والرئاسية للمرشحين سعر الدخول ب5 جنية هتكون عائدها لصالح لمدينة زويل العلمية ... ساعة الافتتاح السابعة مساء"
الغريبة فى الموضوع العربية الفاهرة اللى طالع منها الميكروفون كان لونها اسود شبة بتاعة الحراسة اما الاغراب الفكرة نفسها ازاى تعرض كل الجداول الانتخابية للبرلمان والرئاسة فى وقت واحد فى ساعة واحدة فى معرض واحد
* ما كدبتش خبر اتصلت بكل اصحابى ومعارفى علشان نجمع بعض ونروح سوى حتى اقاريبى اللى فى المحافظة التانية كلمتهم واتضح لى ان نفس الموضوع هيتعمل كل شهر فى محافظةالسنة فيها 12 ...يعنى عايزن 27 شهر .. آآآآآآآ ه ه ه ه ه .......ربنا يدينا طولة العمر!!!! ما علينا !!!!!
* روحت انا واصحابى قبل الميعاد بثلاث ساعات على اساس نكون اول الناس وفى مقدمة الصفوف اللى اثبت بالدليل القاطع ان فى ناس بايتة من امبارح مستنية اليوم دا
. الناس متلهفة لمعرفة ما وراء الكواليس وكانوا من كل شكل واللون ايشى بدقون بجميع مفاهما وايشى شباب وبنات من الجامعات مختلفة وناس بسطة ورجال كبار ومثقفين واعلاميبن وفى الركن بعيييد واللى ماكنش هادى عربيات مكتوب عليها التليفزيون والمذيعين وسط الناس بالمايكات داخل فيها المكعبات اللوجو بتاع البرنامج او القناة ,,
وانا بتجول نظرى على كل الطوائف الشعبية الموجودة و ناس بتيجى وناس بتروح تهت بين الناس ما بقتش شايف اصحابى .. بركة يا جامع عايز استمخ فى المعرض بمزاج العالى
* جاءت اللحظة الحاسمة لافتتاح المعرض بالظبط زى افتتاح ,الصوت , والضوء دق الجرس لثلاثى الابعاد تدق معاة القلوب.. وبدات عزف النشيد الوطنى لمصرنا الحبيبة وبعد الانتهاء منة فتحت الستارة لنراى مساحة واسعة جدا منقسمة الى ممرين, الاول مكتوب علية "الاحزاب " اما الثانى مكتوب علية "الرئاسة "
*كانت الاحزاب على ايديا اليمن قولت ابدا باهل اليمين لعل وعسى اجد المقصد من الاحزاب ...اقصد فى الاحزاب!!!
تلاحظ اول ما تخدل البلوكات متساوية مساحة الواحد2*1.5 متر طبعا الجوانب الثلاثة متقفلة لكن الجانب الرابع هو مقابل للجمهور للتحدث معهم عن الحزب ,و سالت واحد من المنظمين بس شكلة مش منظمين هو رجل شبة الحارس الخاص مع الشخصيات "VIP" بنفس البدلة وبنفس النظارة "هو ازاى تم اختار كل حزب للبلوك بتاعة؟" قالى كل حاجة ماشية فى المعرض بالديمقراطية والانتخابات الحرة والنزيهة "... هزيت براسى بفخر واعتزاز ياسلام هى دى بلادنا بالانجليزى
بدات الجولة باول حزب كان اول حزب مصر الحرة ديكورات الحزب شدتنى جدا على الاركان الثلاثة علم مصر وفى المنتصف شعار الحزب وتحتة شاشة LCD تضم فيديوهات وانجازات للحزب وفى ثلاثة اشخاص يخاطبون الناس عن الحزب واهدافة وسياساتة والجدول الانتخابى للحزب
بدور للجهة المقابلة لاقيت خير اللهم اجعلة خير بلوك اخضر فى اخضر وطالع منة اغنية قوية بصوت ماشاء الله اقوى بيقول الوفد.. الوفد.. الوفد ... دى كانت اغنية محمد نوح للوفد
وحاطين خليط بين علم مصر القديم وبين الحديث وصورة الزعيم ومعاة شعار الوفد بس شاشة العرض كانت عارضة قنوات الحياة بمختلف الوانها
وانا ماشى لاحظيت فى بلوك طويل حبتين روحت اشوف اية نظام البلوم واية الحزب الطويل دا
وتبين الامر ان كل الاحزاب والتيارات الاسلامية مجمعة نفسها فى بلوك واحد الديكورات عبارة عن اليفط القماش البنرات الخاصة لكل حزب بلوجهاتوا وشعاراتة بالاضافة الى فريق التنظيم على الرغم من عددة الكبير الا ان تنظيمة كان جيد جدا وكل فرد نائب عن حزب عارفة متى يدخل فى الوقت المناسب فى الكلام مع الضيف اما محتوى العرضى فى الشاشة المسطحة هى قناة المجد للقران الكريم
* كنت قريب جدا من سماعات شاشة العرض لاخر بلوك سمعت مقولة"من حق ولادك انهم يتعلموا .. بس يتعلموا صح مش يخدوا شهادات ويعلقوها على الحيط" انت الان مع حزب المصرين الاحرار لكوكبة كبيرة من نجوم المجتمع فى جميع المجالات على شاشات العرض مختلفة الاحجام ......
*نقذت من وراء على القسم التانى بسبب الزحمة الظاهرة وماقدرتش الف وارجع تانى ... القسم الثانى لبلوكات الرئاسية كانت اكبر مساحتأ حوالى 6*4 متر لان كان بداخلها كراسى
للمواطنين يدخلوا يجلسوا مع المرشح 10 دقائق ثم يخرجوا وياتى غيرهم ومش هتقدر تصدق ابدا انك شايف المرشحين بدون اى اطار تلفزيونى الرئاسى
*فى اول بلوك قابلت عمرو موسى وبكرة اسرائيل واييييييييييييييييييية؟ لالا انا حودت على اغنية شعبولا ودا ما يمنعش انة كان موجود كأحد الوسائل الدعائية فى برنامج عمرو موسي الانتخابى
وعن مرتضى منصور وكالمعروف عنة كثرة الورق ووثائق امامة لاثبات واقع او ادانة مٌدين مستخدما فى ذلك صوتة العالى مصحوب بانطلاقات من عينه للخارج وجهة المصاحب بحمرة من الانفعال
اما البرادعى فكان فى ازدحام شديد على بوابة البلوك الخاص بية والسبب ان حابب يقسم الناس على حسب وظائفهم ليسمع لمشاكلهم بشكل مجمل
اما عن المرشحين الاسلامين هيئوا البلوك على شكل منبر لمخاطبة الناس وماتعرف اذا كان درس دينى ولا خطاب للجمهور
المرشحسن الرئاسين كانوا كتير وقداموا برامج كتير فى كل مجالات الحياة اليومية للمواطن المصرى
* اخيرا خلصت المعرض كان يوم ممتع وجديد فى نفس الوقت وطبعا كالعادة انى بحب اشوف انطباع الناس عن المعرض خرجت للساحة اشوف رد فعل الناس اية ؟
وجدت كل مجموعة واقفة مع بعضها تناقش البرامج البرلمانى والرئاسى دون اى تعصب او تشاجر اللهم الا مجموعة من الشباب المختلف فى الايدلوجيات اختلفوا حول احزابهم وانتمائتهم تطور من مشاجرة كلامية الى مشاجرة الايدى وتدخل الامن فى الحال واقففتهم بمنتهى التحضر
ولقيت رجل شرطة بيقولى" ممنوع الوقوف هنا يا حضرت" و يوكزفى ذراعى وعندما افقت وجددتها امى توقظنى لكى اصلى الجمعة اصل راحت عليا نومة من كتر ما لفيت فى احلامى
